24-26 iyun tarixdə Qusar Olimpiya İdman Kompleksində Azərbaycan və Dağıstan xalqları arasında cüdo güləşi üzrə dostluq turniri keçirilmişdir. Cüdo idman növünün genişləndirilməsi, inkişafı, kütləvi təbliği və təşviqi məqsədilə kecirilən turnirdə respublikanın şəhər və rayonları üzrə UGİM-nin, İC-nin və Dağıstan respublikasının 1995-1997-ci il təvəllüdlü 100-ə yaxın idmançısı 9 çəki (42 kq, 46 kq, 50 kq, 55 kq, 60 kq, 66 kq, 73 kq, 81 kq, +81 kq) dərəcəsində öz qüvvəsini sınamışdır. 11 komandanın iştirak etdiyi yarışlarda rayonumuzu 12 idmançı təmsil edərək yüksək nailiyyətlər əldə etmişlər.
Turnirin nəticələrinə əsasən 46 kq çəki dərəcəsində Pirkişiyev Rəşad III, 55 kq çəki dərəcəsində Qazıxanov Raul I ,60 kq çəki dərəcəsində Heybətov Elçin I, Osmanov Rahib II, 73 kq çəki dərəcəsində Həsənov Renat III, 81 kq çəki dərəcəsində Bəyəliyev Mürsəl I, 81 kq çəki dərəcəsində Məmmədov Sərxan I yerlərə layiq görülmüşdür. Hər çəki dərəcəsi üzrə I, II, III yerləri tutmuş idmançılar rayon Gənclər və İdman idarəsi və “İnter” Peşəkar İdman Klubu tərəfindən medallarla, xatirə hədiyyələri, kubok və diplomlarla təltif edilmişdir.
Iyun ayının 26-da “Narkomaniyaya qarşı mübarizə günü”nə həsr olunmuş Gənclər və İdman idarəsinin xətti ilə rayon gənclərilə dəyirmi masa keçirilmişdir.Tədbirdə təhsil şöbəsinin metodkabinə rəhbəri Qorxmaz Muradov, rayon üzrə narkomaniyayaya qarşı mübarizə qrupunun rəhbəri Bəhram Məmmədov, həkim narkoloq Namik Həsənov, incəsənət məktəbinin rəsm müəllimi A.Abdullayev,YAP icra aparatının rəhbəri Kamil Sultanov,YAP gənclər birliyinin sədri Zeynal Əskərov iştirak etmişlər.Tədbiri giriş sözü ilə açan idarənin rəisi E.Əmirmətov narkomaniyanın bu gün qlobal problemə çevrildiyini və narkomaniyaya qarşı təbliğat aparmaq üçün rayon Gənclər və İdman idarəsi tərəfindən keçirilən tədbirlər haqqında məlumat vermişdir. Rayon üzrə gənc narkomanların olmadığını qeyd edən narkomaniyaya qarşı mübarizə qrupunun rəhbəri Bəhram Məmmədov bildirmişdir ki, narkomaniyaya qarşı mübarizə ümumilikdə cinayətkarlığa qarşı mübarizədir və profilaktika yalnız cəmiyyətin bütün qüvvələrinin və dövlət strukturlarının səyini birləşdirməklə həyata keçirdikdə kifayət qədər effektli ola bilər. 
